اجيو تشوفو الطفل المشاغب اش طرا لو كملو قراو الموضوع كلو راه متندموش
3 مشترك
كاتب الموضوع
رسالة
hafsa اداري
عدد المساهمات : 117 السٌّمعَة : 6 تاريخ التسجيل : 19/02/2011 العمر : 32
موضوع: اجيو تشوفو الطفل المشاغب اش طرا لو كملو قراو الموضوع كلو راه متندموش الخميس مارس 03, 2011 7:55 pm
السلام عليكم
مثلا أنا هو من يقوم بالشغب في الملاعب
يوم المباراة
المباراة على الساعة الثالتة مساءا
كنت نائما و جائت أمي على 8 صباحا و قالت لي ( نوضو نوض أصكع سير قلب ليك على شي خدمة و باراكا
من النعاس و الشخير سير دير كيف سيادك ما قريتي ما خدمتي )
أنا ( وا الواليدا سيري تنعسي وهنينا من الصداع را هادي يالله 8 تصباح )
امي ( تا نوض تسخر جيب لباك يفطر )
أنا ( أوف وا ما كتقاضايش أراي الفلوس نجيب السخرة )
أمي ( وا سير عند البيسري و قوليه قيد تا لتالي ديال الشهر )
أنا ( وا عرفتي أش غاديري و الله لا تسخرت )
أمي ( و الله تا نقولها لباك )
أنا ( وا غير سيري )
أبي ( واش أتنوض تسخر ولا نديك نربيك فالحبس )
أنا ( صافي ها هو غادي )
( مشيت تسخرت جيت و قلت للواليدا ضبري عليا باش نمشي للتيران )
أمي ( والو ناشفا ريال ما نكسابوش )
أنا ( شوف الواليدا هاني غادي نخدم و أتحتاجيني والله ما نعقل عليك , وسيري ضبري عليا شوفي الواليد يلى عندو )
الواليدا ( واخا , هاك 5 دراهم هيا لي كاينا و الله لا زدتك )
أنا ( الله يهديك ألواليدا لاش أتقد هاد 5 دراهم زيدي زيدي شي باراكا )
الواليدا ( وا سير قبل لا ناخد ليك تا ديك 5 دراهم )
أنا ( صافي ها هو غادي )
( كنت خارج و شوية الواليد بانليا أجي نتا فين غادي )
أنا ( راني غير أنمشي نتسخر للواليدا )
الواليدا ( مسكينا كدبات على قيبالي أه خارج يتسخر ليا أ دريس )
الواليد ( وا سير أولدي الله يرضي عليك و ما تعطلش )
أنا ( يا الله الله يعاون )
( خارج و هو يبان ليا خويا الصغير مضارب مع مع شي برهوش شديت خويا قلت ليه طلع و شديت داك البرهوش
عطيتو قتلا ديال العصا )
( بيني و بين التيران 12 km ناري كي أندير نوصل خاصني 3 ديال الطوبيسات . ما عليناش ركبت فالطوبيس الأول سالت و التاني ركبت فيه سالت و الثالت شدني المراقب كليت قتلا ديال العصا المهم هو وصلت للتيران )
10:30 ديال الصباح الورقة ب 20 dh و أنا عندي 5 dh
( سيمو ضبر على خوك فشي درهم ... ضبرو عليا الدراري و جمعت 10 دراهم )
حاولت النقز باش ندخل للتيران لكن للأسف البوليسي شدني و عطاني قتلا ديال العصا
( أه عصام ولد الدرب راه تم واقف )
أنا ( أهلا با عصام ما نلقاش عندك شي 5 دراهم و بلا كدوب )
عصام ( والله ما خبيت عليك أ خويا كريم عرفتي أش غادي دير يالله نجربو واش ندخلو بجوج فورقة )
أنا ( واخا يالله نمشيو , وصلت لحدا البوليسي أنا وعصام )
البولسي ( واحد فورقة و لي ما عندوش يغبر ...)
عصام ( ضبر عليه فشي 5 دراهم و يدخلك )
أنا ( أسي البوليسي هاك واحد 5 الدراهم ودخلني للتيران )
البوليسي ( وزيد شي حاجا )
أنا ( و الله تا هادشي لي عندي )
البوليسي ( أرا و بلا فرشة )
أنا ( عطيت للبوليسي داك البركة و دخلني للتيران معزز مكرم أما لي مخلص 20 درهم مسكين كالس تا ياكل
فالصقل و الزرواطة ... راكم عافين البوليس فالمغرب )